CARNIALE È MMUERTU! COME QUESTA SERA NOI “PICCINNE IAVITABILE” NNI CHIANCEVOUNU CARNIALE. DI MARIO PETRAROLI.

FOTO DI LUIGI PETRAROLI

La sera tlì cennere, in Via Mastropaolo si celebrava un funerale che durava tutta la sera, era muertu Carniale. IuN’Toniu Pataddone, Mariu Masella, n’Toniu Mastro, Marino Masciullo, e otre piccinne “Iavitabile” cussine nni chiamavounu li cristiane, organizzavamo il funerale, già n’quarche ggiurnu prima.

Sobbra nnù carruzzinu vecchiu, quiri di tannu, quiri cu li rote, ca parevounu li rote ti nna bicicletta, mittevounu nnu cartone lu priparavounu pi lu fa summigghie a nnu baiulu, sobbra disignavounu nna croce nera, mittevounu to chiarofle, e nui cu nnu fazzulettu nero n’capu taccatu n’canna, iu mlù facea tae tiNononna Cira, pò nnu cartone n’turtigghiatu ca era parei nna cannella comu a quiri ca purtavounu li femmene alla scasata retu a Santu Ggiru. Picciavounu li cartune e couminzavounu a fai lu funerale, e tra li risate facevounu finta di chiancere, nni mittavounu a lucculae ti dulore, a tutti quiri ca cchiavounu n’anze si lucculava ti chiune: Eh sintuto Nunna Rò, è mmuertu carniale, e luccle e lu fumu tli cartune picciate, ca nni ffucava.

Scinnevounu totta via Mastropaolo e scevounu versu la chiazza ti Santa Lucia, ddane a quiri tiempe si pinneva nna Quaremma cranne cranne, e nue sotta Quaremma facevounu finta di chiancere dispirate: Ehia mamma cc’è duloreeee, Carniààà piccè sse muertu, Carniààà nnè lassatuuu, e mone comu a fae Quaremma seinza Carniale…Cc’è ffuecu a casa nosciaaa, cc’è sbintura…Sbinturatu povuru Carniale Giovene Giovene..e via cosi. Po si scendeva per via Bucci e tagliavamo per la stradina che collega Via Bucci a Via Paritaro e si saliva quella via dove c’erano altre Quaremme Pinnute, ed ogni volta la sceneggiata si ripeteva, anzi proprio in quei momenti scinnevounu puru li cristiane cranne, e puru louru cu lu fazzlittone n’capu a cci chianceva a ci si m’brazzava lu baiulu, tra li risate tlì mugghiere, che canzonavano i mariti: Nao viti quan’tè loccu maritita mescia Lucì, e si ca inveici quiru tua eti trittu..mescia Grà. Lu funerale ti Carniale continuava, finita la salita di Via Paritaro si continuava il percorso fino a ritornare in via Mastropaolo dove alla N’gghioscia ti Pignatelli e s’ascuava Carniale, tavounu fuecu allu cartone, otre chiante otre luccle, nquarche cristiana cuminzava alucculae Ahee scià sciucate n’anzi li casi vuesce, piccinni Iavitabbele, malitucate, scustumate…ma noi si continuava magari abbassando la voce per qualche minuto, poi si ricominciava…Carniaaa nn’è lassatuuu e così via. All’urtimu sce spicciava ca nue rimanevounu seiza voce, n’fitisciute ti fumu, ma cuntienti ca erunu avutu la scusa pi passae nn’a sciuranata di Impegno ludico si direbbe oggi. Mi stringe il cuore tutte le volte scendo quella via, ove i ricodi d’infanzia restano così indelebili nella memoria.